Figura nebe iha kualidade atu Troka Katuas Xanana? - Tempo Semanal#.U8eB6U75qW0.facebook#.U8eB6U75qW0.facebook

Figura nebe iha kualidade atu Troka Katuas Xanana? - Tempo Semanal#.U8eB6U75qW0.facebook#.U8eB6U75qW0.facebook

Por: Vicente Maubocy

....

Analise & comentario:

Professor Agio,- ema ida matenek duni, em termos Public Relation, domina Portugues ho Ingles, infelizmente em termos envolvimento politico ka track political record , tó ohin “ Zero“. Publiko deskonhece totalmente.

Evidencias hatudo mo mos “tabele” katuas Xanana husi 2002 tó ohin loron. Agio sem Xanana, figura “morta” Figura ida ho karacter “fechada, incomunikavel” hau iha certeza maxima sei kauza “desastre bot” baihira sai Primeiro Ministro .

Hau la hatene, Professor Agio iha influencia iha CNRT ka lae? Hau rasik envolve iha CNRT husi 2006,iha momentos dificeis altura neba eleisaun Presidencial ho Legislativa tinan 2007 “ariska vida”, la mate, talvez Maromak sei dauk bolu. Lao hamutuk ekipa CNRT ba kampanhas no habelar estruturas CNRT iha territorio tomak tó 2011, la hare Professor Agio nia oin ka klamar.

Altura ida iha 2010, team CNRT ba Samarogo fatin Koronel Maubuti.(Laisorulai). Iha team ne,husi nacional : Maubocy,Januario, Folaran, Kaetano, Duarte ho ekipa Distrito nian ami ba halo esklarecimento. Tó hau nia vez koalia, tece konsiderasoens ruma kona ba divergencias entre FRETILIN ho FRETILIN Mudansa, grupo bot ida kaer Katanas no Samurai mossu, hussu atu para esklarecimento hodi dehan “ Fatin ne, FRETILIN nian.FRETILIN maka bele halo, partido seluk la bele”.

Hotu-hotu tauk no hakfodak. Hau kalmamente responde:” ita bot sira viola lei. La iha direito atu bandu ami.Se lakohi rona, favor ida bele sai husi ne. Imi lori kroat halo saida?

Se brani mai oho uluk mau hau. Hau maka ibun bot halo kritikas”.

Nune sira la halo buat ida. Ami husu ba Policia eskuadra ida atu fo seguransa. Se violencia ruma akontece, sira bele atua, hau Maubocy maka assume responsabilidade tomak.

Felizmente buat ida la akontece, to tuku 10.00 kalan ami fila. Udang bot, sae subida, namadoras, hau nia kareta kuase takafila, choke ba aihun bot ida.

Figura atu troka Xanana tenki iha influencia bot. Pelo menos okupa posisaun, Presidente, Sec Geral, ka membros diresaun Partido nian.Se lae konflitos internal mossu, nebe sei fo impacto negativu bot ba eleisaun 2017 ba CNRT.

Se la iha influencia – lalika mehi sai PM. Tanba Resistencia forte sei hasoru husi 30 deputados CNRT iha Parlamento. La konta ho bankadas 3 tan.

Kanten sai PM, maka ema hotu la fo respeito, halo manifestasaun bei-beik hatudo deskontentamento “ não vale a pena” worthless”. Mais vale “um vadio honrado do que um PM insultado”. Indigitasaun “forsada” konvida - crise.

Nando La Sama, - Lider partido Democratico, politicamente conhecida iha esfera nacional liu do ke Professor Agio. Possue eleitorado ho 8 assentos Parlamentares. Okupa ona posisaun chaves rua Presidente Parlamento no momento ida ne, okupa posisaun Vice PM. Iha chance, tudo depende ba Katuas Xanana konjuga tan ho Mari Alktiri + Horta.

Rui Araujo- Mediko, okupa ona pasta Ministro Saude 2001-2006, envolve iha Resistencia, memmbro CCF actual.

Iha 2005 hau ho Rui konfranta malu iha jornal, kona ba artigo ida hau hakerek. Hau responde fali ho artigos rua, Rui Araujo desiste iha palko publiko.

.

Hau la dun konhece diak, mai be internacionais sira, husi nacionalidades lubuk ida, dehan iha kualidades hanesan “bom gestor”.

Vantagem bot Rui, back up ho Partido FRETILIN nebe iha forsa politica makas ba konjuntura actual. Mediko particular Horta iha 2011 bainhira baixa hospital Darwin, konstitue mos “ credit point” husi Horta atu suporta.

Figura se se deit maka troka Xanana, lideres FRETILIN sei envolve atu “pronuncia”. kona assunto ne, tanba assunto ida ne, ho natureza, interesse nacional.

Atu garante estabilidade, Xanana ho lideres FRETILIN tenki mantein relasoens harmoniozas. Nune tuir hakerek nain nia indusaun Rui iha “probabilidade bot” tanba iha nia kotuk FRETILIN + Horta.

Katuas Xanana sei rona liu rekomendasaun FRETILIN tanba Partido bot iha forsa politica. Iha parte seluk tau mos iha konsiderasaun katak diferensas kadeiras entre CNRT ho FRETILIN la dun bot.

Partidos kik barak maka halo lakon votos “saugate” iha eleisaun 2012. Trend politica ba eleisaun 2017, FRETILIN iha chance bot atu manang eleisaun Legislativa.

Lakon ona dala rua, aprende barak ona, Camarada Mari hatudo ona flexibilidade, nune iha ona “abertura” atu “dada fali” milhares votos nebe “namakari” lemo-lemo.

Atu prevene ka evita “ political revenge” hahu agora hari politica “boa amizade” entre forsas polticas dominantes.

Tuir rating hakerek nain : Rui Araujo iha probabilidade maior tanba FRETILIN iha kotuk; tuir maka Nando Lasama, iha Partido Democratico; ikus mai Professor Agio tanba la tama iha estrutura CNRT; Se karik maka Professor Agio okupa kargo ruma iha estrutura CNRT, konvive ho ema barak, activo iha politica, preferencia rekai ba Professor Agio.

Ora subar deit iha Katuas Xanana nia “mahon” , la prova ho merito rasik maka sai PM, la iha kredibilidade, la iha influencia, konsekuentemente falta respeito husi publiko tomak.

Dedikasaun ida husi ancient Proverbs ba kandidatus PM:

If I can’t lead myself others won’t follow me

If I can’t lead myself others won’t respect

If I can’t lead myself others won’t partner me.

That applies whether the influence you desire to exert is on the people above you, beside you, or below you. (Buat ida ne, aplika ba influencia nebe ó iha, ba ema nebe iha ó nia leten, ó nia sorin, ka ó nia okos).

To read more, click on the link above